*

حَبِّينا حبّينا \ وأللهْ يعْلمْ بينا

بِعْنا النوم الغالي \ واستنّينا لْيالِي \ نِجْمَةْ تضْوِي عْلِينا

عْشَقْنَا العُمْر مْعَاها \ رَغْمِ اللِي عِشْناها \ في مْنامَةْ وِصْحِينا

*

لاَ عْرَفْتِكْ لاَ رِيتِكْ \ يا نِجْمَةْ وْحَبِّيتِكْ

عِشْتِكْ في أحْلامِي \ وْمِنْ أوّل أحْلامِي \ في قَلْبِي خَبِّيتِكْ

ولمّا يْطِيرْ مْنَامِي \ ومَا نْشُوفِكْ قُدّامِي \ نَعْمِلْ رُوحِي نْسِيتِكْ

*

تْصَوّرْتِكْ في خْيَالِي \ واستنِّيتْ لْيالِي

ظَنِّيتْ قَلْبِي عْرِيشْ \ للريحْ ما يْوَطِّيشْ \ وانا قَلْبِي خَالِي

بْعِيدْ عْلِيك يْعِيشْ \ كِي جْنَاحْ بْلاَ رِيشْ \ ما يْطِيرِشْ في العَالِي...

 شعر آدم فتحي

غناء لطفي بوشناق