*

1

ساعاتْ يْفِيض الكاسْ          وِيْضيق احْسَاسِي

مِنْ عـوجْ الدنْـيَـا          وغْرايِـبْ نَاسِي

تِسْقِينِي جْرُوحِي    وْ تسْأَلْنِي رُوحِي

عْلاَ شْ يا قَلْبي تْحِسّْ           تْخَلِّينِي نْقـاسِي

وعْلاشْ يا عَقْلِي مَـا           طِرْتِشْ من راسِي

*

آهْ يا دنْيا هْواك يْهَبِّلْ         مَرَّة يِحْيِي مرَّة يْذَبّلْ

وبْنادِمْ بينْ ثَلْج وْ نَارْ         مُشْ عارِفْ لْفِينْ يْقبِّلْ

2

ساعاتْ نْقُول احِّيتْ         يا دَهْرِي عْلاشْ نَاوِي

مِنْ لِـعْـبِكْ مَلِّيتْ         تِجْـرَحْ وِ تْـداوِي

نِتْمَنَّى اصْحَابِي      يْدُقُّوا عْلَى بَابِي

نلْقَى اصْحَابِي بِيتْ          في مَطْـرَحْ خـاوِي

ابْنِيتُـو وْ عَـلِّيتْ          والسَـاسْ هْـوَاوِي

*

آهْ يا دنْيا هْواك يْهَبِّلْ         مَرَّة يِحْيِي مرَّة يْذَبّلْ

وبْنادِمْ بينْ ثَلْج وْ نَارْ         مُشْ عارِفْ لْفِينْ يْقبِّلْ

3

ساعاتْ يْدُقّ القَلْبْ         وِيْـغَـيَّـرْ حَـالِي

وانااللي طُولْ عُمْرِي        وَلاَ عْـلَى بَــالِي

اِتْطِيب جْرُوحِي     وتغَـنِّي رُوحِي

خَلِّي القلْب يْحِبّْ          مَهْـمَـا يجـرى لِي

آشْ تَعْمل الرُوحْ            بالقَـلْـب الخَـالِي

*

آهْ يا دنيا هْواكْ يْهَبِّلْ         مرّة يِحْـيِي مرّةْ يْذَبِّلْ

وانا اللي بِينْ ثَلْج ونار       عارِفْ رُوحِي لْفِين مْقبّلْ

آدم فتحــي